Bhole Baba ka bhajan

Le   ke   gaura  ji   ko  sang,  hari   gun   gaate  hue
Kaashi   nagri  se aaya hai   Bhola  Shankar
Le   ke   gaura.........

1)  Haath   mein   trishul   liye  bhasm ramaye
  Jholi gale  mein   daale   Gokul   mein   aaye
Pahunche   Nandaji   ke   duar,  Bhole   bole   barambar
Kaashi   nagri   se   aaya   hai   Bhola   Shankar  ........

2)  Nandi   per   sawar   hoke  , damru   bajate
Chale   aa  rahe  hain  Bhole,  Hari   gun   gaate
Gale   mein  sarpon  ke  maal,  odhe  upar   se   mirgchal
Kaashi   nagri  se   aaya  hai  Bhola  Shankar..........

3)  Andar   se  Yashoda  boli ,jaao -jaao -jaao
Bhikcha  to  le  lo,per   chale   jaao
Dar  jayega  mera  lal  ,dekhega  sarpon  ka   maal
Kaashi   nagri  se   aaya  hai  Bhola  Shankar........

4)  Baahar   se  bole  baba   ,suno  maharani
Tere  lala  se  hai,  meri  prit  purani
Mukhara  dikhlado   ,ek   baar
Dekhun  kaisa   hai   sukumar
Kaashi   nagri   se  aaya  hai Bhola   Shankar............

5)  Are   sota   hai  Kanhaiya,  mera   main   na   jaaun
Teri   baato   mein  baba,  hargij   na  aaun
Dega   koyi   jaadu   ker,mera   chota   sa   sukumar
Kaashi   nagri   se   aaya   hai   Bhola   Shankar..........

6)  Itna   to  sun ke  baba  ,hanse khilkhilaye
Bole  babaji   apna  ,  damru  bajake
Ja   ke   dekho   ekbar,  Mohan   aane   ko   taiyaar
Kaashi   nagri  se   aaya   hai  Bhola  Shankar..........

7)  Itne mein   aa  gaye, Mohan   vanshi   bajate
Indra,Brahma   bhi  ,jinka   paar   na   paate
Wo  hai   van  brajwasi,main   hun  unka   hi   saathi
Kaashi   nagri   se   aaya  hai   Bhola  Shankar........