VAT SAVITRI VRAT KATHA

Vat Savitri  Pooja  is  dedicated  to  the  legendary  married  waman  Savitri  who  succeeded  to  get  back  her  died  husband  Satyavan  by  her  severe  penaance.

         Prativars  Suhagin  Mahilawon  Duara   Jayesth  Mass  ki  Amavasaya  Ko  VAT  SAVATRI  VRAT  manaya  jata  hai.  IS  Vrat   mein  mahilayein  Vat  vriksh  ki pooja  karti  hain   aur  Savitri  Satyavan  ki  katha  sunti  hain  jisse  unki  akhand  swabhagya  ki  kamna  puri  hoti  hai.

                 Savatri  prasidh  tatwagayani   rajrishi  Ashvapati  ki  ekmatra  kanya  thi.   Apne  var  ki  khoj  mein  jaate  samay  usne  nirwasit  aur   vanwasi  raja  Diyutsen  ke  putra  Satyavan  ko  pati  rup  mein  swikar  ker  liya.  Jab  devrishi  Narad  ne  unse  kaha  kee  Satyavan  ki  aayu  kabal  ek  vars  ki  hi  shesh  hai  tum  unse  vivah  nahi  karo.   Parantu  Savitri  apni  baat  per  adig  rahi  aur  apne  sati  dharm  se  nahi  digi.

                            Savitri  ka  vivah  Satyavan  ke  saath  ho  gaya.  Satyavan  bare  dharmatma  aur  sushil  the.  We  apne  andhe  mata  pita  ki  bahut  sewa  kiya  karte  the.  Atah  Savitri  bhi  saas  sasur  aur  pati  ki  sewa  mein  apna  samay  bitane  lagi. Satyavan  ki  mirtyu  ka  din  nikat  aa  pahuncha.  Satyavan  lakri  kaatne  ke  liye  jangal  jaaya  karte  the.  Aaj  Satyavan  ke  Mahapryaan  ka  din  hai  yeh  soochker  Savitri  chintit  ho  uthi.  Jab  Satyavan  jangal  ki  aor  jaane  lage to  Savitri  bhi   unke  saath  chal  pari.  Satyavan  jaise  hi  lakri  kaatne  lage  unke  sir  mein  pira  hone  lagi  we  turant  per  ke  niche  let  gaye.  Savitri  pati  ka  sir  apni  god  mein  rakhker  aanchal  se  hawa  karne  lagi.

                  Thori   hi  der  mein  bhense  per  sawar  Yamraj  wahain  aaye  aur  Satyavan  ko  le  jaane  lage.  Savitri  ne  atyant  wayakul  hoker  unse  pucha'  He  Dev  aap   kaun  hain  aur  mere  pati  ko  kahain  liye  jaa  rahe  hain.  Yamraj  ne  kaha  - tum  pativrata  sitri  ho  isliye  main  tumhein  batata  hun  kee-  Main  Yam  hun  aur  aaj  tumhare  pati  ki  aayu  samapt  ho  gayi  hai  atah  main  use  liye  jaa raha  hun.  Yeh  kahker  Yamraj  Dakhachin  disha  ki  taraf  chal  pare.

                           Savitri  bhi  Yam  ke  piche-piche  chalne  lagi.  Yam  ne  bahut  mana  kiya  lakin  Savitri  nahi  maani.  Usne  kaha  jahain  mere  pati  jaayeinge  wahain  main  bhi  jaaungi.  Uski  is  dridh  nishtha  aur  pativart  dharm  se  prasann  hoker  Yam  ne  uske  andhe  saas  sasur  ko  aakhein  de  di,  uska  khoya  hua  raajya  wapas  de  diya  aur  use  laot  jaane  ko  kaha.  Parantu  Savitri  nahi  laoti.  Yamraj  ne  kaha  Satyavan  ko  chorker  tum  koyi  aur  bhi  var  maang  lo.  Savitri  ne  kaha-  yadi  aap  prasan  hain  to  mujhe  Satyavan  se  sau  putra  pradan  karein.  Yam  ne  bina  soche  tathastu  kah  diya.  Vachanbadh  Yamraj  aage  badhe  to  Savitri  ne  kaha  aap  mere  pati  ko  saath  liye  jaa  rahe  hain  aur  mujhe  sau  putra  ka  vardan  diye  jaa rahe  hain  yeh  kaise  sambhav  hai.  

                            Vachanvadh  Yamraj  ne  Satyavan  ke  praan  lauta  diye  aur  use  char  sau  vars  ki  navin  aayu  pradan  ki.  Isliye  jo  stri  is  vrat  ko  karti  hai  use  Savitri  ki  tarah  hi  akhand  saubhagya  ki  prapti  hoti  hai.